सगळ्यात युजरफ्रेण्डली सर्च इंजिन बनण्याची सध्या जोरात स्पर्धा सुरू आहे. मोबाइल कंपन्यांच्या स्पधेर्चा फायदा जसा ग्राहकांना होतो, तसा या सर्च इंजिनच्या स्पधेर्चा फायदाही इण्टरनेट युजर्सना होणार आहे. याच स्पधेर्तून 'गुगल'ने नवं इन्स्टॉलेशन आणलं आहे. यामुळे कम्प्युटरवर तब्बल दोन जीबीची एक्स्ट्रा स्पेस मिळणार आहे.
या संधीचा फायदा उठवण्यासाठी इण्टरनेट युजर्सकडे काही गोष्टी असणं गरजेचं आहे. पहिली गोष्ट म्हणजे तुमचं जीमेल अकाऊण्ट हवं, इण्टरनेट कनेक्शन तर हवंच हवं आणि जीमेल ड्राइव्ह सॉफ्टवेअर असणं असणं अतिशय महत्त्वाचं आहे. जीमेल ड्राइव्ह डाऊनलोड करण्यासाठी काही सोप्या गोष्टी आहेत. पुढे दिलेली लिंक अॅड्रेस बारमध्ये टाइप करून, एण्टर केल्यानंतर आपण डायरेक्ट डाऊनलोडच्या पेजवर जाऊ शकता. www.softpedia.com /prog Download/GMail-Drive-shell-extension-Download-15944.html यावरून जीमेल डाऊनलोड होण्यासाठी काही सेकंद लागतील. त्यानंतर 'गुगल'चं सॉफ्टवेअर इन्स्टॉल होईल. पुढे माय कम्प्युटरमध्ये ज्याप्रमाणे डी आणि सी ड्राइव्ह असतात, त्याचप्रमाणे नवा जीमेल ड्राइव्ह दिसू लागेल. या जीमेलवर डबल क्लिक केल्यानंतर जीमेल अकाऊण्ट ओपन होईल. त्यानंतर तुम्हाला चक्क २.६१जीबी इतकी भरभक्कम स्पेस मिळेल. गंमत म्हणजे, या जीमेल ड्राइव्हमध्ये आपण जे काही कॉपी करू ते सगळं आपल्या जीमेल अकाऊण्टमध्ये जाईल, आणि याची पॉवरही वाढवण्यात आल्याने ही कॉपीही अत्यंत फास्ट होणार आहे.
मुळात हे सगळं करण्यामागे 'गुगल'ने फार पुढचा विचार केलेला दिसतो. मुळात जीमेल ड्राइव्ह हा शेल नेमस्पेस एक्स्टेन्शन आहे. विण्डो एक्स्प्लोअरमध्ये र्व्हच्युअल ड्राइव्ह तयार करतो. यामुळे आपल्या जीमेल अकाऊण्टला आपण स्टोअरेज मिडिअम म्हणून वापरू शकतो.
जीमेल ड्राइव्हमध्ये असलेल्या फाइल्स कॉपी वा डिलीट करणं आपल्याला शक्य होतं. जीमेलच्या फाइल्स तुमच्या जीमेल अकाऊण्टवर सेव्ह होतात. आपल्याला आलेल्या मेलमध्ये अॅटॅच्ड फाइल्सच्या मदतीने या दिसतात. त्याचबरोबर फाइलचं नाव आणि त्यातील माहिती ही आलेल्या मेलच्या सब्जेक्टमध्ये दिसते. हा मॅटर डिलीट जरी झाला तरी, त्याची एक कॉपी आपल्या जीमेल अकाऊण्टवर ऑलरेडी सेव्ह झालेली आपल्याला पाहायला मिळते.
कोणत्याही टिप्पण्या नाहीत:
टिप्पणी पोस्ट करा